2011年11月5號

因為要出島, 所以今日早咗起身, 有日出睇呀 

要食早餐啦

九點要出發啦, 同車仲有ニ個韓國人 同四個外籍人士, 一行八人..出發

 

大約半個鍾就到咗啦 , 哈哈~~ 我竟然冇事喎, 雖然上船前先食暈浪丸 

原來酒店安排咗個員工同我哋一齊出島, 仲有毛巾拱應, 爺 )))又唔出聲, 老公仲拎咗兩條黎 , 跟住佢仲安排咗沙灘椅比我哋, 唔收錢喎, 好似得我地間酒店係預先安排咗沙灘椅咋, 呢次係同老公第一次出島咋, 雖然冇玩水上活動, 但游吓水玩吓, 睇吓 d 魚係腳邊游來游去都好開心 

  

玩到12點要食午餐啦, 有一般嘅團體自助餐食, 300匹一位 , 但係睇落一d 都唔吸引既, 好想食海鮮呀, 跟住問吓餐廳有冇啦, 佢話1000匹就有個 bbq 海鮮拼盤, ok la 快快快 , 但點知等咗半粒鐘都未有得食, 其它人都差不多食完啦, 其他人一定意為我地唔食野定啦,

大佬..你唔係我叫先出海捉吖嗎 , 终於再等咗15分鐘有得食啦, 正呀 

頭盤沙拉

嘩~哈~哈~哈 好多呀

 

點知食食吓有兩係大黃蜂飛咗黎爭食, 嚇到我驚叫 , 立刻有兩個員工手渣餐牌黎趕走佢, 跟住全程就左右護法咁企係度, good la, 呢Ｄ咪叫有服務囉 , 食完未夠鐘走就落沙灘坐吓啦, 點知隔離嗰兩個韓國情侶將Ｄ手機, 手錶, 銀包放晒係枱上面, 跟住頭也不回就行咗去, 咁都得, 唔係好熟咋 , 你當我地看更呀, 我唔會幫你地看野架, 唔好傻, 原來佢哋玩咗去玩, 太冇危機感啦 !!! 好啦兩點返酒店啦

 

返到去就一定要游吓個 Infinity pool 啦 

 

 

 

游完水, 返房整返個無敵海景浴先 WOW 

老公話 :　浸住個浴,　飲住啤酒,　睇住日落,　呢Ｄ咪人生囉　

晚餐冇出去食啦,　留返係酒店食啦 

 

 

 

好唔好食,幾多錢都冇乜所謂啦,明天都走啦,返房開埋支紅酒飲先 

但點知老公突然好唔舒服,　佢諗住訓陣冇事,　但係唔係囉,　最終疴咗＋幾次,　食咗藥都唔得,　佢疴到天光我先知